De Bruyne "Mançester Siti"dən ayrılacağını açıqlayıb

"Mançester Siti"nin belçikalı yarımmüdafiəçisi Kevin De Bruyne klubu tərk edəcək.

90deqiqe.Az xəbər verir ki, bu barədə futbolçunun özü sosial şəbəkədəki səhifəsində yazıb.

33 yaşlı futbolçu etiraf edib ki, bu barədə danışmaq onun üçün asan deyil, amma ayrılmaq vaxtı çatıb. De Bruyne vurğuladı ki, izləyiciləri ilk növbədə bu barədə bilməyə layiqdirlər. Bundan əlavə, belçikalı "Mançester Siti"də keçirdikləri vaxta görə hər kəsə təşəkkür edib.

Yarımmüdafiəçi 2015-ci ildən "Siti"də çıxış edir. Onun ingilis nəhəngi ilə əmək müqaviləsi gələn ilin yayında başa çatır. Daha əvvəl De Bruynenin Səudiyyə Ərəbistanından olan klubla danışıqlar apardığı bildirilirdi.