Mart ayının ən yaxşı məşqçisi bəlli oldu

"Nottingem Forest" klubunun meneceri Nuno Espirito Santo İngiltərə Premyer Liqasının mart ayının ən yaxşı məşqçisi seçilib.

90deqiqe.Az xəbər verir ki, bu barədə qurumun mətbuat xidməti məlumat yayıb.

Mart ayında “Nottingem Forest” İngiltərə çempionatında iki oyun keçirib – “Mançester Siti” və “İpsviç”ə qarşı. "Meşəçilər" hər iki görüşdə müvafiq olaraq 1:0 və 4:2 hesablı qələbə qazanıblar.  30 turdan sonra "Nottingem Forest" 57 xalla Premyer Liqanın turnir cədvəlində üçüncü yerdədir.

Aprelin 5-də portuqaliyalı mütəxəssisin komandası səfərdə “Aston Villa” ilə qarşılaşacaq. Görüşün Bakı vaxtı ilə saat 20:30-da başlaması planlaşdırılır.