Amorim zədəli futbolçulardan danışdı

"Mançester Yunayted"in baş məşqçisi Ruben Amorim İngiltərə Premyer Liqasının 31-ci turunda "Mançester Siti" ilə derbi ərəfəsində yarımmüdafiəçi Kobbi Mainu və müdafiəçi Matteys de Liqtin hazırlığından danışıb.

90deqiqe.Az xəbər verir ki, portuqaliyalı mütəxəssis bu barədə jurnalistlərə açıqlamasında danışıb.

"Kobbi məşqə qayıdır, ona görə də onu bu oyunda görüb dəyərləndirəcəyik. Təbii ki, o, uzun müddət məşq etmədiyi üçün tam oyunu oynaya bilməyəcək. Düşünürəm ki, Matteysin [de Liqt] problemləri var. Son oyunda onunla nəsə olub və biz bunu dəyərləndirməliyik. Məncə, qalan oyunçular yaxşıdır"

Görüş aprelin 6-da baş tutacaq.