“Mançester Yunayted” üç ildən sonra Asiya turuna çıxacaq

“Mançester Yunayted” İngiltərə Premyer Liqasının cari mövsümü başa çatdıqdan üç gün sonra Asiyaya yola düşəcək.

90deqiqe.Az-ın "ESPN"ə istinadən verdiyi xəbərə görə, “qırmızı şeytanlar” iki qarşılaşmada iştirak edəcək. Hər iki dəfə Cənub-Şərqi Asiya Ulduzları Komandasına qarşı oynayacaqlar. Görüşlər Kuala Lumpur və Honq Konqda baş tutacaq. "Mankunianlılar" təxminən 10 milyon avro qazanacaq.

İki görüşdən birincisinin mayın 28-nə planlaşdırıldığı vurğulanır.Mayın 25-də İngiltərə çempionatının 38-ci turu çərçivəsində “Mançester Yunayted” “Aston Villa” ilə qarşılaşacaq.

Asiya turu başa çatdıqdan sonra bəzi oyunçuların iyunun 2-dən 10-a kimi milli komandalarına qoşulması tələb olunacaq.