Matiç "Çelsi" ilə "Mançester Yunayted" arasındakı fərqi açıqlayıb

"Çelsi"nin və "Mançester Yunayted"in sabiq yarımmüdafiəçisi Nemanya Matiç çıxış etdiyi iki ingilis klubu arasındakı fərqləri açıqlayıb.

90deqiqe.Az xəbər verir ki, "The Athletic" 36 yaşlı futbolçunun dediklərini belə çatdırıb. 

"Çelsi"dən ayrıldıqdan sonra hiss etdiyim fərq o idi ki, London klubunda hər şey nəticəyə və kuboklar qazanmağa yönəlmişdi. Bütün klubda belə bir ruh var idi. Hətta qazon biçən adam da. Mən "Mançester Yunayted"ə kuboklar qazanmaq arzusu ilə gəlmişdim. Amma getdikcə burada kubokların əsas məqsəd olmadığını başa düşməyə başladım. Bəlkə də mənə elə gəlirdi ki, səhv edirəm"

Xatırladaq ki, serb futbolçu 2014-2017-ci illərdə “Çelsi”də çıxış edib.Daha sonra o, “Mançester Yunayted”ə keçib və karyerasının daha 5 ilini burada keçirib. Nemanya hazırda Fransanın "Lion" klubunda çıxış edir.