Salah "Liverpul"la müqaviləni uzadıb

"Liverpul"un vingeri Məhəmməd Salah klubu ilə yeni müqavilə imzalayıb.

90deqiqe.Az-ın məlumatına görə, bu barədə Mersisaydlıların mətbuat xidməti məlumat yayıb.

32 yaşlı forvardın ingilis nəhəngi ilə müqaviləsi 2027-ci ilin yayına kimidir.

Misirli 2017-ci ildən "Liverpul"da çıxış edir. Bu müddət ərzində o, 394 oyun keçirib, 243 qol vurub və 111 məhsuldar ötürmə edib.

“Qırmızılar”ın tərkibində Salah İngiltərə çempionu olub, ölkə kubokunu və Superkubokunu qazanıb, iki dəfə İngiltərə Liqa Kubokunu qazanıb və Çempionlar Liqasının qalibi olub. Bundan əlavə, hücumçu UEFA Superkubokunun və Klublararası Dünya Çempionatının qızılını qazanıb.