"Mançester Yunayted"in Premyer Liqa dövründəki ən pis qapıçısının adı açıqlanıb

Nüfuzlu “Goal” portalı İngiltərə Premyer Liqası dövründə “Mançester Yunayted”in ən pis qapıçılarının reytinqini hazırlayıb.

90deqiqe.Az xəbər verir ki,reytinqdə birinci yeri “qırmızı şeytanlar”ın hazırkı qapıçısı Andre Onana tutub. Bir gün əvvəl kamerunlu bir neçə səhvə yol verib və komanda yalnız Avropa Liqasının “Lion”la səfər oyununda (2:2) heç-heçəyə nail olub.

Massimo Taibi ikinci, Viktor Valdez isə ilk üçlüyü tamamlayıb. Sonrakı yerləri Fabien Bartez, Roy Karroll, Tim Hovard, Mark Bosniç və Ben Foster tutur.

"Mançester Yunayted"in növbəti oyunu aprelin 13-də Premyer Liqada "Nyukasl"a qarşı olacaq.