Van Deykin gələcəyi bəlli oldu

Müdafiəçi Vircil van Deyk "Liverpul"da oynamağa davam edəcək.

90deqiqe.Az xəbər verir ki, niderlandlı futbolçu Mersisayd klubu ilə yeni müqavilənin bütün detallarını razılaşdırıb. Sənədlər vəkillər tərəfindən təsdiqlənib. Yeni müqavilənin yaxın günlərdə rəsmi olaraq açıqlanacağı gözlənilir.

Vircil van Deyk 2018-ci ilin əvvəlindən "Liverpul"un şərəfini qoruyur. O vaxtdan bəri hollandiyalı 313 oyun keçirib, 26 qol vurub və komanda yoldaşları üçün 13 məhsuldar ötürmə edib. Xatırladaq ki, bir gün əvvəl “Liverpul” forvard Məhəmməd Salahla müqaviləni uzaddığını açıqlamışdı.