"Tottenhem" son 20 ilin şəxsi antirekorduna imza atıb

"Tottenhem" Premyer Liqanın 32-ci tur çərçivəsində səfərdə "Vulverhempton"a uduzaraq növbəti məğlubiyyətini alıb.

90deqiqe.Az-ın "Squawka"ya istinadən verdiyi xəbərə görə, Anje Postekoqlunun rəhbərlik etdiyi "londonlular" çempionatda artıq 17-ci məğlubiyyətini yaşayıb.

Bu, klub üçün 2003/04 mövsümündən bəri ən zəif göstəricidir. Həmin mövsümdə London təmsilçisi ümumilikdə 19 məğlubiyyətlə yadda qalmışdı.

Həmçinin diqqətəlayiq məqamlardan biri də budur ki, “Tottenhem” cari Premyer Liqa mövsümündə səfər oyunlarında 10 və ya daha çox məğlubiyyət alan üçüncü komanda olub. Bu göstəricidə yalnız autsayderlər – “Lester” və “Sauthempton” onları qabaqlayır.

Növbəti turda londonlular doğma meydanda “Nottingem Forest”i qəbul edəcək. Qarşılaşma aprelin 21-də baş tutacaq.