- İngiltərə P.L.
- 02:04 01.02.2026
"Mançester Siti"nin çalışdırıcı Pep Qvardiola bu mövsüm bitdikdən sonra komandadan ayrılacağını açıqlayan yarımmüdafiəçi Kevin De Bruynenin insani keyfiyyətlərindən məyus olduğunu bildirib.
90deqiqe.Az-ın "El Nacional"a istinadən verdiyi xəbərə görə, 33 yaşlı futbolçu karyerasını İngiltərə klublarından birində davam etdirə bilər.
"Çelsi", "Nyukasl" və "Mançester Yunayted" belçikalı futbolçu ilə maraqlanır.
Qvardiola yarımmüdafiəçinin belə variantları nəzərdən keçirməsindən məyusdur. İspan mütəxəssis bir çox "Siti" azarkeşləri kimi belə bir qərarı xəyanət hesab edir.
Xatırladaq ki, bundan əvvəl mətbuatda De Bruyne ilə MLS və Səudiyyə Ərəbistanı komandalarının da maraqlandığı haqda xəbərlər yayılmışdı. Bu mövsüm belçikalı "Siti"nin heyətində bütün turnirlərdə 33 oyun keçirib, 5 qol vurub və 8 məhsuldar ötürmə edib.
