"Brentford" konqolunu satmağa hazırlaşır

"Brentford"un futbolçusu Yohan Vissa komandadan ayrıla bilər.

90deqiqe.Az-ın "Standard" nəşrinə istinadən verdiyi xəbərə görə, 28 yaşlı hücumçu ilə "Arsenal", "Nottingem Forest" və "Tottenhem" klubları maraqlanırdı. Yanvar ayında "Forest"in 25 milyon avroluq təklifi rədd edilib, "Spurs" isə başqa bir oyunçu ilə müqavilə bağlayıb. "Arsenal" isə həmin vaxt zədə problemləri ilə üzləşdiyi üçün aktiv hərəkət edə bilməyib.

"Brentford" konqolu futbolçunun gələn yay başa çatacaq müqaviləsini uzadacağına əmin olmadığından, onun satışını nəzərdən keçirməyə hazırdır. Halbuki, bir müddət əvvəl klubun baş məşqçisi Vissanın komandada qalacağını bildirmişdi.

Yohan Vissa bu mövsüm bütün turnirlərdə 33 oyun keçirib, 16 qol vurub və 3 məhsuldar ötürmə edib.