Premyer Liqanı tərk edən ikinci komanda məlum oldu

İngiltərə Premyer Liqasının 33-cü turunda "Lester Siti" doğma meydanda "Liverpul"a minimal hesabla uduzub və növbəti mövsüm elitada qalmaq üçün nəzəri şanslarını da itirib.

90deqiqe.az xəbər verir ki, matç Lester şəhərindəki “Kinq Pauer” stadionunda keçirilib. Oyunda yeganə qolu "Liverpul"un futbolçuları vurub və görüş 1:0 hesabı ilə qonaqların xeyrinə başa çatıb.

“Lester Siti” 33 oyundan sonra cəmi 18 xal toplayıb. “Tülkülər” Premyer Liqa cədvəlində 19-cu yerdədir. “Vest Hem Yunayted” 36 xalla 17-ci yerdədir ki, bu da onlara yüksək divizionda qalmağa imkan verir.

Xatırladaq ki, 2015/2016 mövsümündə "Lester Siti" sensasiyalı şəkildə İngiltərə çempionu olmuşdu.