"Biz daha yaxşı idik, amma..."

"Mançester Yunayted"in baş məşqçisi Ruben Amorim İngiltərə Premyer Liqasının 33-cü turunda "Vulverhempton"a məğlubiyyətdən (0:1) danışıb.

90deqiqe.Az xəbər verir ki, təcrübəli çalışdırıcı bu barədə klubun rəsmi saytına açıqlamasında bildirib.

"Oyunun məzmununa nəzər salsanız, rəqibimizdən daha yaxşı idik, amma bunun heç bir əhəmiyyəti yoxdur. Qol vurmayınca heç nə önəmli deyil. Əsas odur ki, nəticədir, xüsusən də belə anlarda. Çox şanslarımız oldu, topa sahib idik və matça nəzarət edirdik. Bir standart hər şeyi dəyişdi. Bu cür uduzmaq çox xoşagəlməzdir" 

Qeyd edək ki, görüşün nəticəsini 77-ci dəqiqədə Pablo Sarabianın vurduğu qol həll edib.