De Bruyne gələcəyi ilə bağlı danışıb

"Mançester Siti"nin yarımmüdafiəçisi Kevin De Bruyne karyerasını harada davam etdirəcəyini hələ də bilmədiyini etiraf edib.

90deqiqe.Az xəbər verir ki, belçikalı futbolçu bu barədə jurnalistlərə açıqlama verib.

"Təəssüf ki, bilmirəm. Düşünürəm ki, oynamağa davam edə biləcəyimi sübut etdim, əks halda son bir ayda göstərdiyim hər şeyi etməzdim"

Aprelin əvvəlində 33 yaşlı futbolçu bu yay klubu tərk etmək qərarına gəlib. Kevinin hazırkı müqaviləsi iyunun 30-a qədərdir və bundan sonra o, azad agent olacaq. Daha əvvəl "Mançester Siti" kapitanına bir mövsümlük yeni müqavilə təklif etmişdi, lakin maaşları əhəmiyyətli dərəcədə azaldıb.

De Bruyne bu mövsüm klub üçün bütün yarışlarda 36 oyuna çıxıb. Yarımmüdafiəçi 6 qol vurub və 8 məhsuldar ötürmə edib. Transfermarkt-ın məlumatına görə, onun transfer dəyəri 27 milyon avro olaraq qiymətləndirilir.