Bruno Fernandeş gələcəyi ilə bağlı qərarsızdır

"Mançester Yunayted"in kapitanı Bruno Fernandeşin gələcəyi qeyri-müəyyənliyə düşüb.

90deqiqe.Az-ın məlumatına görə, portuqaliyalı futbolçu "Əl Hilal" klubunun prezidenti Fəhad bin Nafellə Londonda görüş keçirib. Səudiyyə Ərəbistanı təmsilçisi Fernandeşə iddialı idman layihəsi təqdim edib və 3 illik müqavilə təklif edib.

Futbolçunun qərar verməsində əsas amillərdən biri təklif olunan maaş ola bilər. Bildirilir ki, Fernandeş ildə 30 milyon avroya yaxın gəlir əldə etməyə ümid edir.

Hələlik tərəflər arasında yekun razılaşma yoxdur, lakin görüşün özü "Əl Hilal"ın ciddi niyyətlərindən xəbər verir.