"Everton"un keçmiş baş məşqçisi "Lester"i çalışdıra bilər

“Everton”un sabiq baş məşqçisi Şon Daj yaxın vaxtlarda “Lester”ə rəhbərlik edə bilər.

90deqiqe.Az-ın “TalkSport”a istinadən verdiyi məlumata görə, 53 yaşlı mütəxəssis hazırda İngiltərə Çempionşipinə düşməsi dəqiqləşən “Lester”in baş məşqçi postu üçün namizədlər sırasında yer alır.

Hazırda komandaya niderlandlı mütəxəssis Ruud van Nistelroy rəhbərlik edir.

Qeyd edək ki, ingilis mütəxəssis son olaraq 2023–2025-ci illərdə “Everton”da çalışıb. Ondan əvvəl o, “Börnli” və “Uotford” klublarında da baş məşqçi vəzifəsində fəaliyyət göstərib.

Xatırladaq ki, bu mövsüm uğursuz çıxış edən “Lester” Premyer Liqada qalmaq şansını itirib və hazırda turnir cədvəlində 19-cu pillədə qərarlaşıb.