Onana "Mançester Yunayted"dən ayrılmaq istəmir

"Mançester Yunayted"in kamerunlu qapıçısı Andre Onana klubdan ayrılmaq istəmir.

90deqiqe.Az-ın “The Sun”a istinadən verdiyi məlumata görə, 29 yaşlı qolkiper “qırmızı şeytanlar”ın formasını geyinməyə davam etmək və komandanı əvvəlki səviyyəsinə qaytarmaq üçün əlindən gələni etmək istəyir.

Andre Onana gələcəyini yalnız “Mançester Yunayted”də görür və başqa klublara keçidi nəzərdən keçirmir. Halbuki daha əvvəl mətbuatda Səudiyyə Ərəbistanı klublarının futbolçuyla maraqlandığına dair xəbərlər yayılmışdı.

Xatırladaq ki, Andre Onana cari mövsümdə “qırmızı şeytanlar”ın heyətində İngiltərə çempionatında 33 oyun keçirib, onun doqquzunda qapısını təmiz saxlaya bilib.