“Beş ilə bir kubok da azdır” - Qari Nevilldən Artetaya sərt tənqid

“Mançester Yunayted”in sabiq müdafiəçisi, hazırda futbol eksperti kimi fəaliyyət göstərən Qari Nevill “Arsenal”ın baş məşqçisi Mikel Arteta haqqında sərt fikirlər səsləndirib.

90deqiqe.Az xəbər verir ki, "The Sun" sabiq futbolçunun dediklərini belə çatdırıb:

“Arteta böyük nailiyyət əldə edib, çünki o, beş il ərzində bir dəfə də olsun kubok qazanmayıb. Buna baxmayaraq, hələ də Premyer Liqanın güclü komandalarından birinin baş məşqçisidir”

Qeyd edək ki, bu mövsüm “Arsenal” kubok qazanmaq şanslarını itirib. Premyer Liqada London təmsilçisi hazırda turnir cədvəlinin ikinci pilləsində qərarlaşıb. Çempionlar Liqasında isə komanda yarımfinala qədər irəliləsə də, ümumi hesabla PSJ-yə məğlub olub.

Xatırladaq ki, “Arsenal” Mikel Artetanın rəhbərliyi altında sonuncu dəfə 2023-cü ildə İngiltərə Superkubokunun qalibi olub.