"Arsenal"a hücumçu lazımdır"

"Arsenal"ın keçmiş oyunçusu Yan Rayt komandasının mərkəz hücumçusuna ciddi ehtiyacı olduğunu deyib.

90deqiqe.Az xəbər verir ki, "Metro" sabiq futbolçunun dediklərini belə çatdırıb. 

"Komanda həqiqətən hücumçuya ehtiyac duyur. Çox qol vuracaq hücumçu almalıyıq. Hoylund və Nunez kimi variantlar uyğun deyil. Bu transferdə səhv getmək olmaz. Düşünürəm ki, Artetanın yayda forvard üçün kifayət qədər pulu olacaq"

“Arsenal” 68 xalla Premyer Liqanın turnir cədvəlində ikincidir. UEFA Çempionlar Liqasında "topçular" yarımfinala yüksəlib, burada iki oyunun cəmində Fransa PSJ-sinə uduzublar.