Amorim “Mançester Yunayted”in baş məşqçisi kimi 491 müsahibə verib

"Mançester Yunayted"in baş məşqçisi Ruben Amorim bu mövsüm ciddi problemlə üzləşib.

90deqiqe.Az-ın klubun mətbuat xidmətinə istinadən verdiyi məlumata görə, portuqaliyalı çalışdırıcı, gündə orta hesabla üç müsahibə verməyə məcburdur ki, bu da – təxmin ediləcəyi kimi – onu müəyyən dərəcədə əsas işindən yayındırır.

Təyinatından sonra cəmi 194 gün ərzində Amorim 491 müsahibə verib. Bu da gündə orta hesabla 2,6 müsahibə deməkdir. Həftə sonları da nəzərə alınsa, bu rəqəm daha da yüksəlir.

Xatırladaq ki, “Mançester Yunayted” Avropa Liqasının finalında “Tottenhem”lə qarşılaşacaq, bu, gələn çərşənbə günü olacaq.