"İsakın ayrılma ehtimalı məni məyus edir"

"Nyukasl Yunayted"in baş məşqçisi Eddi Hau, forvard Aleksandr İsakın komandadan ayrılma ehtimalına münasibət bildirib.

90deqiqe.Az xəbər verir ki, mütəxəssis, futbolçuların digər klublarla əlaqə saxlamasını anlamadığını və bunun onu məyus etdiyini qeyd edib.

 "Futbolçularımızın başqa klublarla əlaqə saxladığını anlamıram. Mən düşünmək istərdim ki, onlar burada xoşbəxtdirlər və bizim necə inkişaf etdiyimizi, Premyer Liqanın zirvəsində mübarizə apara biləcək komandaya çevrilə biləcəyimizi görürlər"

Son məlumata görə, İsakın xidmətində bir sıra komandalar, o cümlədən "Arsenal" və "Liverpul" maraqlıdır.

 Bu mövsüm 25 yaşlı hücumçu bütün turnirlərdə 41 oyuna çıxıb, 27 qol vurub və 6 məhsuldar ötürmə edib.