"Bu bizim günahımızdır, oyunçular məsuliyyət daşımalıdır"

"Mançester Yunayted"in müdafiəçisi Harri Maquayr klubun Premyer Liqanın cari mövsümündəki nəticələri barədə danışıb. 

90deqiqe.Az xəbər verir ki, "Daily Mail" ingilis futbolçunun dediklərini belə çatdırıb:

"Premyer Liqada bizim üçün çox çətin idi, bunu gizlədə bilmərik. Cədvələ baxsanız, xüsusən də bizim oyunçular üçün utanırsınız. Məsuliyyəti öz üzərimizə götürməliyik, çünki iki baş məşqçimiz və futbol oyunlarında qalib gəlmək üçün çoxlu imkanlarımız var, ancaq bu mövsüm bunu kifayət qədər edə bilmədik.

Hesab edirəm ki, son iki ay xüsusilə çətin keçdi, çünki biz Avropa Liqasında idik və Premyer Liqada stabil heyətimiz yox idi. Məşqçilər çox dəyişməli oldu, zədələrimiz çoxdu. Sonuncu dəfə Premyer Liqa matçında 90 dəqiqə oynadığımı xatırlamıram.

Biz günahı öz üzərimizə götürməliyik, çünki belə olmamalıdır ki, “Mançester Yunayted” kimi klubun mövsümün sonuna iki ay qalmış mübarizə aparacaq heç nə yoxdur. Mövsümün bitməsinə iki ay qalıb və oynamağa heç nə yoxdu. Bu bizim günahımızdır, məsuliyyəti öz üzərimizə götürməliyik. Bu yolverilməzdir, biz günahkarıq və əminəm ki, gələn mövsüm vəziyyətimizi xeyli yaxşılaşdıracağıq”.

Qeyd edək ki, “qırmızı şeytanlar” 36 turdan sonra 39 xalla turnir cədvəlinin 16-cı pilləsində qərarlaşıb.