"Liverpul"da yeni müqavilə

"Liverpul" müdafiəçi Konor Bredli ilə yeni müqavilə imzalayıb.

90deqiqe.Az-ın klubun mətbuat xidmətinə istinadən verdiyi məlumata görə, 21 yaşlı futbolçu ilə imzalanan müqavilənin müddətini açıqlamayıb.

Şimali İrlandiyalı futbolçu 2019-cu ilin payızında "Liverpul"un akademiyasına qoşulub. Gənc müdafiəçi bu müddət ərzində sürətli inkişaf göstərərək əsas komandada öz yerini tapmağı bacarıb.

Bredli indiyədək "qırmızılar"ın heyətində 55 rəsmi oyuna çıxıb. Bu qarşılaşmalarda o, bir qol vurub və 10 məhsuldar ötürmə ilə yadda qalıb.

Klub rəhbərliyi və azarkeşlər Bredlinin gələcəkdə daha da inkişaf edəcəyinə və komandanın əsas fiqurlarından birinə çevriləcəyinə inanırlar.