Emiliano Martinez "Aston Villa"dan ayrılır

Argentinalı qapıçı Emiliano Martinez cari mövsümün sonunda “Aston Villa”dan ayrıla bilər.

90deqiqe.Az-ın məlumatına görə,32 yaşlı qolkiper yay transfer pəncərəsində klub dəyişəcək. Martinezin xidmətində Avropa klubları ilə yanaşı, Səudiyyə Ərəbistanı təmsilçiləri də maraqlıdır.

Lakin futbolçunun özü hələlik Yaxın Şərqə keçidə isti yanaşmır. Martinez 2026-cı il dünya çempionatına optimal formada hazırlaşmaq üçün ən yüksək səviyyədə çıxış etmək niyyətindədir.

Martinez bu mövsüm "Aston Villa"nın heyətində 52 oyun keçirib və 61 qol buraxıb. Qapıçı 15 oyunda qapısını təmiz saxlayıb.