Ceymi Vardidən yubiley qolu - "Lester"in əfsanəsi 500-cü oyunda 200-cü qola imza atdı

İngiltərə Premyer Liqasının 37-ci turu çərçivəsində "Lester" doğma meydanda "İpsviç"i qəbul edib.

90deqiqe.Az xəbər verir ki, artıq hər iki komandanın Premyer Liqa ilə vidalaşdığı üçün bu qarşılaşma formal xarakter daşıyıb və komandalar sərbəst oyun nümayiş etdiriblər.

Görüşün ilk hissəsində Ceymi Vardi hesabı açaraq "İpsviç"in qapısına yol tapıb. Bu qol 37 yaşlı hücumçunun "Lester"in heyətində keçirdiyi 500-cü matçda vurduğu 200-cü qol olub.

Qeyd edək ki, daha əvvəl bu görüşün Vardinin "Lester"dəki son oyunu olacağı bildirilmişdi. Təcrübəli forvard mövsümün son səfər oyununda iştirak etməyəcək.