"Arsenal"ın futbolçusu əməliyyat olunacaq

"Arsenal"ın müdafiəçisi Jurrien Timber komandanın son oyunlarında iştirak etməyib.

90deqiqe.Az "The Telegraph"a istinadən xəbər verir ki, niderlandlı futbolçu topuq nahiyəsində yaşadığı zədə səbəbindən əməliyyat olunacaq.

23 yaşlı müdafiəçi ötən ay zədə problemi ilə üzləşib və aparılan tibbi müayinələrdən sonra əməliyyata qərar verilib. Klub futbolçunun vəziyyətini nəzərə alaraq cərrahi müdaxiləni ən uyğun variant kimi dəyərləndirib.

Hazırda Timberin yaşıl meydana nə zaman qayıdacağı ilə bağlı dəqiq məlumat yoxdur. Müdafiəçinin bərpa prosesi yaxın günlərdə başlayacaq.

"Arsenal" Premyer Liqanın son turunda "Sauthempton"la qarşılaşacaq.