“Azarkeşlərlə vidalaşmaq istəyirdim”

İngiltərənin "Vest Hem" klubunun qapıçısı Lukaş Fabianski komandadan ayrılması ilə bağlı fikirlərini bölüşüb.

90deqiqe.Az-ın məlumatına görə, polşalı qolkiper bu barədə jurnalistlərə açıqlamasında bildirib.

"Bu gün baş verənlərdən məyus oldum. Ümid edirdim ki, məni meydana buraxmaqla, heç olmasa bir anlıq da olsa, azarkeşlərlə vidalaşmaq şansı veriləcək№

Mayın 18-də "Nottingem"ə qarşı keçirilən mövsümün son ev oyununda Fabianskinin meydana çıxacağı gözlənilirdi. Lakin bu, baş verməyib. Baş məşqçi Qrem Potter təcrübəli qapıçıya bir dəqiqə belə oyun vaxtı verməyib.

Daha əvvəl xəbər verildiyi kimi, Fabianski və daha üç futbolçu mövsümün sonunda azad agent kimi “Vest Hem”i tərk edəcək.

Hazırda 37 matçda 40 xal toplayaraq Premyer Liqanın turnir cədvəlində on beşinci yerdə qərarlaşıb.