Amorim "Mançester Yunayted"də qalmaq qərarına gəlib

Portuqaliyalı baş məşqçi Ruben Amorim noyabr ayında “Mançester Yunayted”in baş məşqçisi təyin edilib.

90deqiqe.Az “ESPN”ə istinadən xəbər verir ki, Amorim yanvar ayında komandasının uğursuz seriyası səbəbindən istefa verməyə hazır olub.

Lakin, “Brayton”a evdə 1:3 məğlubiyyətindən sonra bu fikrindən daşınıb. Həmin dövrdə “Mançester Yunayted”in rəhbərliyi Amorimi dəstəkləyəcəyinə inanaraq ona komanda ilə davam etməsi üçün şərait yaradıb.

Hazırda “Mançester Yunayted” Premyer Liqanın turnir cədvəlində 16-cıdır. Lakin, “Qırmızı şeytanlar” Avropa Liqasının finalında “Tottenhem”ə qalib gəlsə, Çempionlar Liqasına vəsiqə qazanacaq.