"Arsenal" Partey ilə danışıqlar aparır

"Arsenal"ın yarımmüdafiəçisi Tomas Partey müqavilənin uzadılması ilə bağlı klubla danışıqlar aparır.

90deqiqe.Az xəbər verir ki, bu həftə tərəflər arasında danışıqlar intensiv xarakter alıb. Bildirilir ki, transfer pəncərəsi açılmamışdan əvvəl məsələni dəqiqləşdirmək üçün hər iki tərəf razılığa tezliklə gəlməyə çalışır.

"Arsenal" və Partey arasında hələlik razılıq əldə olunmasa da, hər iki tərəfin əməkdaşlığı davam etdirməyə üstünlük verdiyi bildirilir.

Bu mövsüm 31 yaşlı Partey bütün turnirlərdə 51 oyun keçirib, 4 qol vurub və 3 məhsuldar ötürmə edib. Futbolçunun "topçular"la hazırkı müqaviləsi iyunun 30-na kimidir.