Arteta Parteyin gələcəyi haqqında danışıb

"Arsenal"ın baş məşqçisi Mikel Arteta klubu ilə hazırkı müqaviləsi iyunun sonuna qədər olan yarımmüdafiəçi Tomas Parteyin gələcəyini şərh edib.

90deqiqe.Az-ın məlumatına görə, mütəxəssis bu barədə jurnalistlərə açıqlamasında bildirib.

"Tomasa gəlincə, ardıcıllıq baxımından bu, onun ən yaxşı mövsümü idi. Oynaması, özünü göstərmə tərzi və hazırlığı bizim üçün həqiqətən vacib oyunçudur. Mən dəfələrlə demişəm ki, onun qalmasını istəyirəm."

“Arsenal” artıq Çempionlar Liqasının növbəti buraxılışında yerini təmin edib. İngiltərə çempionatının son turunda Mikel Artetanın yetirmələri "Sauthempton"la qarşılaşacaq.