Qravenberq mövsümün ən yaxşı gənc futbolçusu seçilib

İngiltərə Premyer Liqası (APL) 2024/2025 mövsümünün ən yaxşı gənc futbolçusu nominasiyasının qalibini müəyyən edib.

90deqiqe.Az xəbər verir ki, bu, "Liverpul"un yarımmüdafiəçisi Rayan Qravenberqdi.

23 yaşlı Qravenberç 2023-cü ildə "Bavariya"dan "Liverpul"a keçib. İngiltərə çempionatının cari mövsümündə yarımmüdafiəçi 36 matçda 4 məhsuldar ötürmə edib. Ümumilikdə, idmançı bu mövsüm 48 görüşdə iştirak edib.

"Liverpul"la birlikdə hollandiyalı futbolçu 2024/2025 mövsümündə İngiltərə çempionu olub. Yeri gəlmişkən, Premyer Liqada mövsümün ən yaxşı oyunçusu mükafatını Qravenberqin komanda yoldaşı misirli Məhəmməd Salah götürüb.