Arteta mövsümün ardından “Arsenal” rəhbərliyi ilə görüşəcək

“Arsenal” cari mövsümün son matçını bazar günü səfərdə “Sauthempton”a qarşı keçirəcək.

90deqiqe.Az “Standard” nəşrinə istinadən xəbər verir ki,  qarşılaşmadan sonra komandanın baş məşqçisi Mikel Arteta klub rəhbərliyi ilə görüş keçirəcək. Tərəflər mövsümün yekunlarını təhlil edəcək və uzun illərdir davam edən titulsuzluğa son qoymaq üçün gələcək planları müəyyənləşdirəcəklər.

London təmsilçisi hələ də Premyer Liqanı ikinci pillədə başa vurmaq şansını qoruyur, lakin riyazi baxımdan üçüncü yerə enməsi də mümkündür. Çempionlar Liqasında isə “Arsenal” yarımfinal mərhələsində PSJ-yə məğlub olaraq mübarizəni dayandırıb.