“Mançester Yunayted” üç futbolçusu ilə yollarını ayırır

“Mançester Yunayted” klubu müdafiəçilər Viktor Lindelöf və Conni Evans, həmçinin yarımmüdafiəçi Kristian Eriksenin mövsümün sonunda komandadan ayrılacağını açıqlayıb.

90deqiqe.Az xəbər verir ki, klub rəsmi saytında futbolçulara “Old Trafford”dakı xidmətlərinə görə təşəkkürünü bildirib və onlara gələcək karyeralarında uğurlar arzulayıb.

Qeyd edək ki, “Yunayted” azarkeşləri sözügedən futbolçuları son ev oyununda alqışlarla yola salıblar.

Əlavə edək ki, bu gün İngiltərə Premyer Liqasının 38-ci turunun “Aston Villa” ilə oyununda (2:0) hər üç futbolçu iştirak edib. Lindelof bütün oyunu oynadı, Evans və Eriksen 66-cı dəqiqədə əvəzedici kimi meydana çıxdı. Danimarkalı “qırmızı şeytanlar”ın ikinci qolunu vurub.