Sançonun “Çelsi”dəki gələcəyi yaxın günlərdə bəlli olacaq

Cinah oyunçusu Ceydon Sançonun “Çelsi”dəki gələcəyi yaxın günlərdə müəyyənləşəcək.

90deqiqe.Az xəbər verir ki, “mavilər”in baş məşqçisi bildirib ki, Sançonun və digər futbolçuların taleyi ilə bağlı qərar hələ verilməyib:

“Sançonun gələcəyi? Bu məsələni yaxın 24-48 saat ərzində müzakirə edəcəyik, lakin Sanço və digər oyunçularla bağlı yekun qərar hələlik yoxdur”.

Qeyd edək ki, London klubu 25 yaşlı futbolçunu “Mançester Yunayted”dən almaq öhdəliyi ilə icarəyə götürüb. Lakin “Çelsi” tam transferdən imtina etmək hüququna malikdir. Bunun üçün klub “qırmızı şeytanlar”a müəyyən məbləğdə cərimə ödəməlidir.

Sanço "Çelsi"nin heyətində 40 oyunda 4 qol vurub və 10 məhsuldar ötürmə edib.