"Bizə böyük komanda lazım deyil"

İngiltərənin "Mançester Yunayted" klubunun baş məşqçisi Ruben Amorim qarşıdan gələn mövsümlə bağlı danışıb.

90deqiqe.Az xəbər verir ki, "Sky Sports" çalışdırıcının dediklərini belə çatdırıb.

“Biz həmişə iki fərqli plan üzərində işləyirik – Çempionlar Liqasında iştirak edəcəyimiz və etməyəcəyimiz hallar üçün. Əgər Çempionlar Liqasında oynamayacağıqsa, böyük heyətə ehtiyac yoxdur. Planımız yeni oyunçular cəlb etməkdir. Mövcud komandanı və akademiyamızı daha da təkmilləşdirməliyik. Əsas məqsəd birlikdə qalmaq və inkişaf etməkdir. Mübarizəmizi davam etdirəcəyik. Nəticələr dərhal gəlməyə bilər, lakin komandanın necə böyüdüyünü görürəm – bu da ən vacib məqamdır.”

Premyer Liqanı on beşinci yerdə başa vuran və Avropa Liqasının finalında “Tottenhem”ə uduzan komanda son 10 ildə ilk dəfə avrokuboklara vəsiqəsiz qalıb.