Pablo Sarabia “Vulverhempton”dan ayrıldı

Təcrübəli yarımmüdafiəçi Pablo Sarabia müqaviləsinin başa çatması səbəbindən “Vulverhempton”dan ayrılıb.

90deqiqe.Az xəbər verir ki, bu barədə İngiltərə klubunun rəsmi saytı məlumat yayıb.

İspaniyalı futbolçu vida mesajında komandaya uğurlar arzulayıb: “Qurdlara hər mövsüm ən yaxşısını arzulayıram. Həyatım boyu "Vulverhempton"a dəstək olacağam, çünki çox, çox minnətdaram”

Sarabia 2023-cü ilin yanvarından "Vulverhempton"da çıxış edir. İki il yarım ərzində ispaniyalı 77 rəsmi oyun keçirib, 8 qol vurub və komanda yoldaşları üçün 12 məhsuldar ötürmə edib.

İndi 33 yaşlı Pablo Sarabia özünə yeni komanda axtaracaq.

"Vulverhempton" İngiltərə çempionatında 16-cı yeri tutub.