Martin Kion “Mançester Yunayted”in baş məşqçisini tənqid etdi

“Arsenal”ın sabiq futbolçusu Martin Kion “Mançester Yunayted”in hazırkı baş məşqçisi Ruben Amorimlə bağlı fikirlərini bölüşüb.

90deqiqe.Az "talkSPORT" saytına istinadən xəbər verir ki, veteran müdafiəçi portuqaliyalı mütəxəssisin klub üçün doğru seçim olduğuna şübhə etdiyini bildirib.

“Uğursuzluqların sayına baxanda düşünürəm ki, “Mançester Yunayted”in uyğun məşqçisi yoxdur. Onlar Yurgen Kloppu dəvət edə bilərdilər. Bu fikrimlə sensasiya yaratmaq istəmirəm, amma inanıram ki, Klopp orada möhtəşəm iş görə bilərdi. Onlara hazırkı çalışdırıcıdan daha çox təcrübəyə malik biri lazımdır. Bəs niyə də yox?”

Qeyd edək ki, “Liverpul”dan ayrıldıqdan sonra Yurgen Klopp İngiltərədə başqa bir klubu çalışdırmayacağını açıqlayıb.