“Mən özümü dahiyanə hesab etmirəm”

"Mançester Siti" klubunun baş məşqçisi Pep Qvardiola şəxsi uğurlarına və özünə münasibəti ilə bağlı maraqlı açıqlamalar verib.

90deqiqe.Az-ın məlumatına görə, təcrübəli çalışdırıcı qazandığı titullara baxmayaraq, özünü “xüsusi” hesab etmədiyini bildirib:

“Düşünürsünüz ki, çoxlu kuboklar qazandığım üçün özümü xüsusi hiss edirəm? Xeyr, bunu unudun. Xüsusi adlandırılmalı olanlar həyat qurtaran həkimlərdir. Penisilini kəşf edənlər – bax, həqiqi dahilik budur.”

Qvardiola əlavə edib ki, öz peşəkarlığını inkar etməsə də, onu əvəz edə biləcək başqa mütəxəssislərin də ola biləcəyini düşünür:

“Mən dahi deyiləm? Əlbəttə ki, yox. Özümü yalandan təvazökar göstərməyəcəm – yaxşıyam, şübhəsiz. Amma mənim yerimdə başqaları da eyni uğurları qazana bilərdi.”

Qvardiola “Mançester Siti” ilə 18, “Barselona” ilə 14, “Bavariya” ilə 7 kubok qazanıb.