Luis Dias "Liverpul"da qalmaq üçün şərtini açıqladı

"Liverpul"un hücumçusu Luis Dias digər klublarla danışıqların aparıldığını təsdiqləyib və komandada qalmaq üçün tələbini açıqlayıb.

90deqiqe.Az xəbər verir ki, jurnalist Ben Ceykobs kolumbiyalının fikirlərini belə çatdırıb:

"Mən 'Liverpul'da xoşbəxtəm. Başqa klublarla danışıqlar aparırıq, bu transfer bazarında normal haldır. Bizim üçün ən yaxşısı nə olacaqsa, ona baxırıq. Əgər 'Liverpul' mənə müqavilənin uzadılması ilə bağlı yaxşı təklif versə və ya qalan iki il üçün komandada qalmalı olsam, yenə də xoşbəxt olaram. Bu, onların qərarından asılıdır"

Daha əvvəl mediada kolumbiyalı futbolçuya "Barselona" və Səudiyyə Ərəbistanı klublarının maraq göstərdiyi bildirilmişdi.