“Bu, gerçəkləşən bir xəyaldır”

Braziliyalı hücumçu Matheus Kunya "Mançester Yunayted"ə keçidi ilə bağlı emosiyalarını bölüşüb.

90deqiqe.Az xəbər verir ki, təcrübəli futbolçu bu barədə klubun saytına açıqlamasında danışıb.

“Bu, indi tez-tez deyilən ifadədir, amma bu, həqiqətən də gerçəkləşən bir xəyaldır. Ola bilər ki, kənardan baxanlar mənim qərarımı tam başa düşməsinlər. Amma əgər insan daim burada oynamağı arzulayıbsa, bu cür qərar vermək daha asan olur”.

Kunya "Mançester Yunayted"in onun üçün xüsusi mənaya sahib olduğunu qeyd edib: “Mənim üçün heç bir klub 'Yunayted'lə müqayisə oluna bilməz. Əlbəttə, bilirəm ki, bu, hamı üçün çətin mövsüm oldu. Ancaq düşünürəm ki, bu qərar mənim üçün klubun nə qədər dəyərli olduğunu və nə ola biləcəyini göstərir”.

Braziliyalı hücumçu uşaqlıq xatirələrini də bölüşüb: “Mənim üçün bu klub həmişə evə yaxın bir yer kimi olub. Küçədə, çimərlikdə, çınqıllı meydançada oynayanda biz həmin yerlərə ‘Old Trafford’ deyirdik. Təsəvvür edin!”

Qeyd edək ki, futbolçu əvvəllər "Vulverhempton"da çıxış edib.