“Arsenal”ın əsas oyunçusuyla yolları ayrılır?

“Arsenal” yarımmüdafiəçisi Tomas Partinin komandada qalması ilə bağlı danışıqlar hələ yekunlaşmayıb.

90deqiqe.Az-ın məlumatına görə,  London klubunun rəhbərliyi və 32 yaşlı futbolçu arasında artıq bir neçə danışıqlar mərhələsi keçirilsə də, razılıq əldə olunmayıb.

Bu vəziyyətdə Tomas Partinin 1 iyul tarixindən etibarən azad agent statusu qazanması gözlənilir. Təcrübəli futbolçu artıq gələcək karyerası ilə bağlı variantları araşdırmağa başlayıb və onun transferi ilə bağlı bir neçə klub maraqlıdır.

Qeyd edək ki, Tomas Partinin “Arsenal”dakı fəaliyyəti 2020-ci ilin payızında “Atletiko”dan keçidindən sonra başlayıb və o, bu mövsümlər ərzində London təmsilçisinin aparıcı üzvlərindən biri olub.