“Hazırda məşqçi olmaq haqda düşünmürəm”

“Mançester Yunayted”in əfsanəvi futbolçusu Ueyn Runi məşqçi karyerasına qayıdıb-qayıtmayacağı ilə bağlı danışıb.

90deqiqe.Az xəbər verir ki, "TalkSPORT" 39 yaşlı çalışdırıcının dediklərini belə çatdırıb.

İngiltərəli mütəxəssis bu barədə TalkSPORT kanalına verdiyi müsahibəsində fikirlərini bölüşüb.

“Hazırda mən sadəcə televiziyada işləyirəm və bundan zövq alıram. Bu, hal-hazırda etdiyim işdir və belə davam edəcək"

Oyunçu karyerasını başa vurduqdan sonra Runi 2019-cu ildə məşqçilik fəaliyyətinə başlayıb. O, əvvəlcə “Derbi Kaunti”nin məşqçi heyətinə daxil olub, daha sonra klubun baş məşqçisi təyin edilib. Ardınca ABŞ-ın “Di Si Yunayted” klubunu, həmçinin İngiltərədə “Birmingem Siti” və “Plimut Argayl” komandalarını çalışdırıb. Onun son məşqçi postu 2025-ci ilin yanvarında sona çatıb.

Hazırda Ueyn Runi Britaniya televiziyalarında futbol eksperti və analitiki kimi fəaliyyət göstərir.