"Mançester Yunayted"dən qeyri-adi transfer

"Mançester Yunayted" yalnız transfer bazarında deyil, klubun digər sahələrində də gücləndirmə işlərini davam etdirir.

90deqiqe.Az-ın məlumatına görə, "qırmızı şeytanlar"ın yeni baş aşpazı Uill Karvalyu olub.

Karvalyu bundan sonra "Mançester Yunayted"in əsas komandası üçün qida rasionuna cavabdeh olacaq. Təcrübəli mütəxəssis daha əvvəl "Brayton" klubunda çalışıb. O, burada iki mövsüm ərzində futbolçular üçün menyular hazırlayıb.

Uill Karvalyu idmançı qidalanması üzrə ixtisaslaşmış mütəxəssisdir. O, "Brayton"dan öncə 12 ildən artıq müddətdə Braziliya qadın millisində çalışıb. Həmçinin karyerasının əvvəlində regbi komandaları ilə də işləyib.

Transfer qarşılığında hər hansı kompensasiyanın olub-olmaması barədə məlumat verilmir.