"Yuventus" daha güclü rəqibdir"

"Mançester Siti"nin yarımmüdafiəçisi Tijani Reynders klublararası dünya çempionatında "Yuventus"a qarşı keçiriləcək oyunla bağlı gözləntilərini bölüşüb.

90deqiqe.Az-ın məlumatına görə, niderlandlı futbolçu bu barədə klubun rəsmi saytına açıqlamasında bildirib.

"Dünya çempionatının əvvəlki iki oyununda yaxşı oynadıq, lakin daha yaxşı oynaya biləcəyimizi bilirik. Qrupumuzdakı digər iki komandaya hörmətlə yanaşsaq, "Yuventus" daha güclü rəqibdir. Hər şey özümüzdən asılıdır. Nəyə qadir olduğumuzu göstərmək vaxtıdır"

Cümə axşamı günü baş tutacaq üz-üzə görüşdə "şəhərlilər" Turin komandası ilə qrupda birinci yer uğrunda oynayacaq.

Xosep Qvardiolanın komandasının son tura 6 xalı var. "Yuventus" eyni xala malikdir, lakin daha çox qol vurduğuna görə cədvəldə daha yüksəkdir.