"Real"ın Lyuis-Skelli planı baş tutmadı

İngiltərənin "Arsenal" klubu yarımmüdafiəçi Mayls Lyuis-Skelli ilə müqaviləni uzadıb.

90deqiqe.Az klubun rəsmi saytına istinadən məlumatına görə, London klubu futbolçu  ilə uzunmüddətli müqavilə imzalayıb.

“2024/2025 mövsümü əsas komandadakı mövqeyini möhkəmləndirmək üçün Hale End Akademiyamızın sonuncu məzunu olan 18 yaşlı yeniyetmə üçün əsl sıçrayış oldu”, - deyə klubdan bildirilib.

Daha əvvəl  "Real Madrid"in futbolçunun xidmətində maraqlı olduğu bildirilirdi.

İngiltərə Premyer Liqasının 2024/2025 mövsümündə Mayls Lyuis-Skelli 23 oyun keçirib və bir qol vurub. Onun Çempionlar Liqasında 10 oyun və iki məhsuldar ötürmə də var. Mart ayında yarımmüdafiəçi ilk oyunda qol vuraraq İngiltərə millisində debüt edib.