Freddi Vudman “Liverpul”un üçüncü qapıçısı oldu

“Liverpul” klubu qapıçı Freddi Vudmanla müqavilə imzalayıb.

90deqiqe.Az-ın məlumatına görə, bu barədə Mersisayd təmsilçisinin rəsmi saytı məlumat yayıb.

27 yaşlı qolkiper son mövsümü İngiltərə Çempionşipində “Preston Nort End”in heyətində keçirib. O, “Liverpul”a azad agent statusunda qoşulub.

Vudman komandada üçüncü qapıçı funksiyasını yerinə yetirəcək. Klubun qapı xəttində onunla birlikdə Alisson Bekker və Georgi Mamardaşvili də yer alacaq.

Ötən mövsüm 44 matçda Vudman 48 qol buraxıb və 17 qolunu təmiz saxlayıb. Futbolçu daha əvvəl "Nyukasl Yunayted", "Aberdin", "Suonsi Siti", "Bornmut" və digər klublarda da çıxış edib. Bundan başqa, Freddi İngiltərə millisində müxtəlif yaş kateqoriyalarında çıxış etsə də, “Üç Şir”in əsas komandasına daxil edilməyib.