Tomas Parti “Arsenal”dan ayrılır

“Arsenal” yarımmüdafiəçisi Tomas Partinin klubdan ayrılacağını yaxın günlərdə rəsmən açıqlamağa hazırlaşır.

90deqiqe.Az-ın “The Athletic” nəşrinə istinadən məlumatına görə, London klubu qanalı futbolçu ilə müqavilənin uzadılması ilə bağlı razılıq əldə edə bilməyib. Mövcud müqavilə iyunun 30-da başa çatır.

Daha əvvəl “Arsenal” Partini ayrılması planlaşdırılan futbolçuların siyahısına daxil etmiş, lakin eyni zamanda onunla yeni sözləşmə üzrə danışıqların davam etdirildiyini qeyd etmişdi.

32 yaşlı yarımmüdafiəçi 2020-ci ilin oktyabr ayından bu yana “Arsenal”ın heyətində çıxış edib. Bu müddət ərzində o, komandanın heyətində 167 rəsmi oyuna çıxıb, 9 qol vurub və 7 məhsuldar ötürmə ilə yadda qalıb.