“Kepa komandamızın səviyyəsini yüksəldəcək”

 “Arsenal”ın baş məşqçisi Mikel Arteta “Çelsi”dən transfer olunan qapıçı Kepa Arrisabalaqanın gəlişini şərh edib.

90deqiqe.Az xəbər verir ki, Arteta futbolçunun təcrübəsinin və qələbə əzminin komandaya böyük fayda verəcəyini düşünür:

“Kepe komandamıza qoşulduğu üçün çox sevinirik. Onu yaxşı tanıyırıq, son mövsümlərdə bir neçə dəfə qarşılaşmışıq. Komandaya zəngin təcrübə qazandıracaq və bu, onun komanda yoldaşlarına da fayda verəcək. O, daim qələbə istəyən və çox çalışan bir qapıçıdır. Mövcud səviyyəmizi daha da yüksəldəcək. Artıq bəzi futbolçularımızı tanıyır və bu, uyğunlaşma prosesini asanlaşdıracaq. Onun aramızda olmasından çox məmnunuq”.

Xatırladaq ki, İngiltərə Premyer Liqasının yeni mövsümü avqustun ortalarında start götürəcək.