“Mançester Yunayted” mənim üçün doğru klub deyil”

Almaniyanın əfsanəvi hücumçusu Tomas Müller yayda “Bavariya”dan ayrılacaq.

90deqiqe.Az xəbər verir ki, "CBS Sports"a danışan 35 yaşlı futbolçu “Mançester Yunayted”ə keçid ehtimalına münasibət bildirib:

“Mançester Yunayted”ə keçmək? Bu barədə çox düşünmüşəm… Yəni, indimi nəzərdə tutursunuz? Xeyr, xeyr. Mən onların axtardığı futbolçu deyiləm, onlar da mənim ehtiyacım olan klub deyil. Nə onlar bu transferdən zövq alacaq, nə də mən. Bu səbəbdən bu variant mümkün deyil”.

Tomas Müller “Bavariya”nın heyətində keçirdiyi 755 matçda 250 qol vurub, 276 məhsuldar ötürmə verib. Münhen təmsilçisi 5 iyulda Klublararası Dünya Çempionatının 1/4 finalında PSJ ilə qarşılaşacaq.