- İngiltərə P.L.
- 23:08 13.12.2025
38 yaşlı uelsli qapıçı Ueyn Hennessi peşəkar futbolçu karyerasını başa çatdırıb.
90deqiqe.Az-ın məlumatına görə, bu barədə Britaniya mətbuatı məlumat yayıb.
Təcrübəli qolkiperin son klubu İngiltərə Premyer Liqasında çıxış edən “Nottingem Forest” olub. Bununla belə, Hennessi azarkeşlər arasında daha çox “Vulverhempton” və “Kristal Pelas” forması ilə yadda qalıb. O, həmçinin “Yovil Taun”, “Bristol Siti” kimi klublarda da çıxış edib.
Ueyn Hennessinin futbol həyatında ən parlaq səhifələrdən biri Uels yığmasında keçirdiyi illərlə bağlıdır. 2007-ci ildə debüt edən Hennessi milli komandanın heyətində ümumilikdə 109 oyuna çıxıb və bu göstərici ilə Uels tarixində ən çox oyun keçirən qapıçı ünvanını qazanıb.
O, 2016-cı ildə Uelsin Avropa çempionatının yarımfinalına qədər irəliləməsində və turniri bürünc medallarla başa vurmasında əsas fiqurlardan biri olub.
